Пра гэта паведамiў праваабарончы цэнтар "Вясна", якi праводзiць манiторынг парушэньня правоў чалавека ў Беларусi. Галоўнай мэтай кампанii "Байкот" ёсьць агiтацыя насельнiцта за няўдзел у выбарах у Палату прадстаўнiкоў, першы тур якiх адбудзецца 15 кастрычнiка. Сярод апошнiх фактаў рэпрэсiяў - затрыманьне 2 кастрычнiка ў гадзiну ночы ў Гораднi Сержука Паўленкi. У ягонай асабiстай машыне быў зроблены ператрус i знойдзеныя 16 тысяч улётак, прысьвечаных байкоту. Улёткi былi канфiскаваныя. 3 кастрычнiка ў Жабiнцы Берасьцейскай вобласьцi быў затрыманы Генадзь Самойленка за распаўсюджваньне газэты "Рабочы" й налепак з надпiсам "Байкот-2000". 3 кастрычнiка мусiў адбыцца суд, але Г.Самойленка патрабаваў адваката - i суд перанесьлi на 6 кастрычнiка, паведамляе радыё "Рацыя"
